家阵D年轻人真巴闭！
<font face="Verdana"><font face="楷体_GB2312" color="#ffff99" size="4"><strong>家阵D年轻人真巴闭！<br/><br/></strong></font><p><font face="楷体_GB2312" color="#ffff99" size="4"><strong>话说本人今早8点38左右从员村生活区站乘上44路公交。由于人太多太逼，我滴完卡就从后面上车。车上人满为患，D人塞死晒系个车门度，我见车厢尾部尚有空位，五算好逼，就想钻入车厢入边啦，一来五想同人系车门口逼，二来都可以大家都松动D舒服D。我一边好有礼貌甘叫住“唔好意思，五该借借”，一边往车厢尾部移动，行到要上车尾厢个梯级位时，一个身着白色上衣（下半身体五到），栗色短发，化晒浓妆，涂晒指甲油，年龄约莫17-23既广州籍女子（因为区白话好标准，故判断为广州人）成樽黑面神甘挡住左我既去路。我好有礼貌甘细细声甘同区讲：“唔好意思，唔该借借啊”，区突然好大声甘话：“借乜借，行五到！”<br/>本人继续好有礼貌甘：“你借少少我就上到去噶了~~”<br/>该女开始发飙：“都话行五到咯，行到啊婆就行左拉！”（系区右前方企左个老婆婆）<br/>本人开始有点火了（我好声好气同你讲也，你闹我做乜）：“5使甘大声既，你让少少我就过到，大家都舒服啦”<br/>该女开始爆粗兼牙砍砍：“￥*#%%￥#@##￥%…… 等多个站使死啊！&……%￥#@！##￥” 一边闹一边眨住区对涂左好多睫毛膏既眼。<br/>我终于忍5住开始发火了：“我好声好气同你讲也，你使五使甘大声啊~~~”<br/>条女好老串甘掘左我一眼拧转块面大大声甘话：“#%##￥%@！#￥……你把口号臭啊八婆！！”<br/>我见车度甘多人，条女又甘无素质甘串，我都懒得同区吵。于是大家相安无事甘就来到程介西站啦。<br/>话说部车埋站，司机开门，D人就开始落车啦，包括条女。我见区要落车啦，甘就梗系趁空挡想隙入车后厢噶啦，五通纵甘傻仔系个车门度同人逼咩。就系尼个时候，令人气愤既事情发生啦！！<br/>我见有空挡，就继续我头先本来要做但未能完事既任务啦，由于人太多，D人又移动紧，系我向目的地移动既时候五觉意好轻甘撞到下头先挡住我去路既果樽黑面神，我好五好意思甘望左区一眼，区既状态系落紧车。于是我继续我既移动，点知就系尼个时候，我突然感觉到背后好大声既“扑”一声，跟住个背脊位好痛好痛！！！原来系条女临落车果下好用力甘DUP左我背脊一下！！！ 等我意识到既时候，条女已经落左车。我大叫左一句：“有无搞错啊，打人都有噶！！”全车人一齐望向车外果樽神。神面无表情甘扬长而去~~~~~~</strong></font></p>
<p><font face="楷体_GB2312" color="#ffff99" size="4"><strong>本来我一直以为系D捞头先会甘无素质甘无品噶啦，点知家阵D~~~~ 影衰晒我地D广州后生仔女啊！！<br/><br/></strong></font></p></font> 无语，无语，这种事也给你撞到，算是黑到家了！ 应该拍佢视频放上网杯葛佢，文明广州，和谐城市，楼主唔使同D冇品嘅人劳气~饮翻杯茶吃个包~ 有
页:
[1]